مەديسينالىق ساقتاندىرۋ قورى تۇرعىنداردىڭ ساكتاندىرۋ جۇيەسىندەگى مارتەبەسىن انىقتاۋعا مۇمكىندىك بەرەتىن ارنايى جوبانى ىسكە قوستى. اتالعان پلاگين ارقىلى كەز كەلگەن ازامات ساقتاندىرۋ جۇيەسىندەگى مارتەبەسىن انىقتاي الادى، دەپ حابارلايدى «الەۋمەتتىك مەديسينالىق ساقتاندىرۋ قورى» كەاق الماتى فيليالى.
حابارلاماعا سۇيەنسەك، ستاتۋستى انىقتاۋ ءۇشىن fms.kz سايتىنا كىرىپ، جسن ەنگىزۋ قاجەت. ناتيجەسىندە اركىم ءوزىنىڭ ساقتاندىرىلعان-ساقتاندىرىلماعانىن بىلە الادى. سونىمەن قاتار، جۇيە ارقىلى ازاماتتار جۇمىس بەرۋشىلەر اۋدارىپ جاتقان تولەمدەر جايىندا دا تولىق مالىمەت الا الادى. جوبانىڭ باستى ماقساتى – حالىقتىڭ ۋاقىتىن ۇنەمدەپ، سۇرانىسقا ساي جۇيەنى بارىنشا ىڭعايلاندىرۋ.
«2020 جىلدىڭ 1 قاڭتارىنان باستاپ قازاقستاندا ءمامس جۇيەسى باستالادى. وسى ۋاقىتقا دەيىن تۇرعىندار تەگىستەي دەرلىك ساقتاندىرۋ جۇيەسىندەگى ستاتۋسىن انىقتاپ الۋى كەرەك. ساقتاندىرىلماعان ازاماتتار كەپىلدەندىرىلگەن تەگىن مەديسينالىق كومەك پاكەتىنە ەنگەن قىزمەتتەردى پايدالانا الادى. ال، ءمامس پاكەتىنە ەنگەن مەديسينالىق كومەك تۇرلەرى ساقتاندىرىلعان ازاماتتارعا عانا كورسەتىلەدى»، دەلىنگەن حابارلامادا.
ازىرلەۋشىلەردىڭ پىكىرىنشە، امبەباپ جۇيەنى الداعى ۋاقىتتا بارلىق ينتەرنەت-رۋسۋرستار ارقىلى پايدالانۋعا مۇمكىندىك تۋماق. ول ءۇشىن قىزىعۋشىلىق تانىتقان سايت يەلەرى پلاگيندى ورناتۋى ءتيىس.
پىكىر قالدىرۋ